గోవా నుంచి ఢిల్లీకి బయలుదేరిన ఇండిగో విమానం 6E 2102లో ఇంజిన్కు సంబంధించిన సమస్య తలెత్తడంతో విమానాన్ని తిరిగి గోవాకు మళ్లించారు. మంగళవారం ఉదయం 9:16 గంటలకు టేకాఫ్ అయిన విమానంలో సమస్యను గుర్తించిన సిబ్బంది వెంటనే ఏటీసీకి సమాచారం అందించారు.
సుమారు 14 వేల అడుగుల ఎత్తులో ఉన్న విమానాన్ని సురక్షితంగా గోవా వైపు మళ్లించి, ఉదయం 9:51 గంటలకు గోవా విమానాశ్రయంలో అత్యవసరంగా ల్యాండ్ చేశారు. అనంతరం ప్రయాణికులను విమానం నుంచి దించి, వారి కోసం ప్రత్యామ్నాయ ప్రయాణ ఏర్పాట్లు చేశారు.
ఇక ఈ విమానాన్ని మధ్యాహ్నం 3:30 గంటలకు రీషెడ్యూల్ చేసినట్లు సమాచారం.
