వాషింగ్టన్ డీసీలోని శ్రీ శివ విష్ణు టెంపుల్ ఆధ్వర్యంలో వార్షిక Food Bazaar కార్యక్రమం సెప్టెంబర్ 26, 2026న నిర్వహించనున్నారు. ఉదయం 11 గంటల నుంచి సాయంత్రం 5 గంటల వరకు ఈ ఫుడ్ బజార్ జరగనుంది.
ఈ కార్యక్రమంలో పూరీ–చన్నా, దోస, చాట్, పావ్ భాజీ, దహీ పూరీ, బేల్ పూరీ, బిర్యానీ రైస్, పెరుగు అన్నం, మిర్చి బజ్జి, ఉల్లిపాయ పకోడా, సమోసాతో పాటు మ్యాంగో లస్సీ, రోజ్ మిల్క్, ఫ్రూట్ చాట్ వంటి పలు రకాల భారతీయ వంటకాలను అందించనున్నారు. టీ, కాఫీ కూడా అందుబాటులో ఉంటాయి.
ఫుడ్ బజార్తో పాటు వెండర్ స్టాల్స్, పిల్లల వినోద కార్యక్రమాలు, మెహందీ వంటి ప్రత్యేక కార్యక్రమాలు కూడా ఏర్పాటు చేస్తున్నారు. కుటుంబ సభ్యులతో కలిసి సందర్శించి ఆహారం, వినోదాన్ని ఆస్వాదించేలా కార్యక్రమాన్ని నిర్వహిస్తున్నారు.
