సీఎం యోగి ఆదిత్యనాథ్ ‘జనతా దర్శన్’

ఉత్తరప్రదేశ్ ముఖ్యమంత్రి యోగి ఆదిత్యనాథ్ లక్నోలోని తన అధికారిక నివాసంలో నిర్వహించిన ‘జనతా దర్శన్’ కార్యక్రమంలో రాష్ట్రంలోని వివిధ జిల్లాల నుంచి వచ్చిన ప్రజలను కలుసుకుని వారి సమస్యలను స్వయంగా విన్నారు.ఈ సందర్భంగా ప్రజలు తమ వ్యక్తిగత, సామాజిక, పరిపాలనా సమస్యలను ముఖ్యమంత్రి దృష్టికి తీసుకువెళ్లగా, వాటి పరిష్కారానికి అవసరమైన చర్యలు తీసుకోవాలని సంబంధిత అధికారులను ఆయన ఆదేశించారు.ప్రజల సమస్యల పరిష్కారంలో ఎలాంటి నిర్లక్ష్యం ఉండకూడదని, బాధితులకు తక్షణ న్యాయం అందేలా చర్యలు చేపట్టాలని ఆయన సూచించారు. జనతా దర్శన్ కార్యక్రమం ద్వారా ప్రభుత్వం ప్రజలకు మరింత చేరువవుతోందని తెలిపారు.