బాలీవుడ్ మెగాస్టార్ అమితాబ్ బచ్చన్ గురించి ప్రత్యేకంగా పరిచయం అవసరం లేదు. 82 ఏళ్ల వయసులోనూ యంగ్ హీరోలకు ఏ మాత్రం తీసిపోని ఉత్సాహంతో పని చేస్తున్నారు. ఒకే రోజులో ఏకంగా 12 షార్ట్ ఫిల్మ్స్ షూటింగ్స్ తో పాటు రెండు స్టిల్ ఫొటో షూట్లను సైతం పూర్తి చేశారు. తన అభిమానులను ఎక్స్టెండెడ్ ఫ్యామిలీగా పిలిచే బిగ్ బీ ఈ విషయాన్ని పంచుకున్నారు.
‘ పని అంటే పనే. ఈ రోజు 12 షార్ట్ ఫిల్మ్స్ షూట్ చేశాను. రెండు స్టిల్ షూట్లు కూడా పూర్తయ్యాయి. ఇప్పుడు మీతో కనెక్ట్ అవుతున్నాను. మిగతావన్నీ కొనసాగుతూనే ఉంటాయి. కానీ ఈ అనుబంధం మాత్రం ఆగకూడదని బ్లాగ్ లో పేర్కొన్నారు. ప్రతిరోజూ కొత్తగా నేర్చుకుంటూ, క్రమశిక్షణతో ముందుకు సాగాలని అమితాబ్ చెప్పుకొచ్చారు. ప్రస్తుతం ఆయన నాగ్ అశ్విన్ రూపొందిస్తున్న ‘కల్కి 2898 AD’ సీక్వెల్లో
బచ్చన్ నటిస్తున్నారు.
