అమెరికన్ తెలుగు అసోసియేషన్ (ATA) ఆధ్వర్యంలో నిర్వహించనున్న 19వ ATA కాన్ఫరెన్స్ & యూత్ కన్వెన్షన్లో ప్రముఖ భారతీయ ఫ్యాషన్ డిజైనర్ Archana Kochhar ప్రత్యేక ఫ్యాషన్ షోను నిర్వహించనున్నారు. “Weaves of Silk” పేరుతో జరగనున్న ఈ గ్రాండ్ ఫ్యాషన్ షో కన్వెన్షన్లో ప్రత్యేక ఆకర్షణగా నిలవనుంది.
ఈ ఫ్యాషన్ షోలో పాల్గొనడానికి 18 సంవత్సరాలు పైబడిన యువతీయువకుల నుంచి దరఖాస్తులు ఆహ్వానిస్తున్నారు. ర్యాంప్పై నడుస్తూ తమ ప్రతిభను ప్రదర్శించాలనుకునే వారికి ఇది అరుదైన అవకాశం. భారతీయ సంప్రదాయ వస్త్రాల అందాన్ని ప్రపంచ వేదికపై చాటిచెప్పే ఈ కార్యక్రమంలో పాల్గొనేందుకు ఆసక్తి గల వారు వెంటనే నమోదు చేసుకోవాలని నిర్వాహకులు కోరారు.
జూలై 31 నుంచి ఆగస్టు 2, 2026 వరకు అమెరికాలోని Baltimore Convention Center లో జరగనున్న ATA కన్వెన్షన్లో ఈ ఫ్యాషన్ షో నిర్వహించబడుతుంది. మోడల్స్ నమోదు చేసుకునేందుకు జూన్ 30, 2026 వరకు అవకాశం కల్పించారు.ATA నాయకత్వం ఈ కార్యక్రమం ద్వారా యువతలో ఆత్మవిశ్వాసాన్ని పెంపొందించడంతో పాటు తెలుగు సంస్కృతి, భారతీయ ఫ్యాషన్ వైభవాన్ని అంతర్జాతీయ స్థాయిలో ప్రదర్శించాలనే లక్ష్యంతో ముందుకు సాగుతోంది.
