బాక్సాఫీస్ వద్ద ‘మా ఇంటి బంగారం’ హవా.. 3 రోజుల్లో కలెక్షన్లు ఎంతంటే?

టాలీవుడ్ స్టార్ హీరోయిన్ సమంత ప్రధాన పాత్రలో నటించిన ‘మా ఇంటి బంగారం’ చిత్రం బాక్సాఫీస్ వద్ద అద్భుతమైన కలెక్షన్లతో దూసుకెళ్తుంది.19న థియేటర్లలో విడుదలైన ఈ సినిమా, తొలి వారాంతంలోనే ప్రపంచవ్యాప్తంగా రూ. 43 కోట్లకు పైగా గ్రాస్ కలెక్షన్లు సాధించింది. ఈ మేరకు చిత్ర యూనిట్ అధికారికంగా ఓ స్పెషల్ పోస్టర్ ను రిలీజ్ చేసింది.

విడుదలైన తొలి రోజే ఈ సినిమా రూ. 13.15 కోట్ల గ్రాస్ రాబట్టడం విశేషం. రెండు రోజులు ముగిసేసరికి వసూళ్లు రూ. 28 కోట్లను దాటాయి. ఇక, వీకెండ్‌లో చివరి రోజైన ఆదివారం నాడు కలెక్షన్లు మరింత పెరిగాయి. ఒక్క ఆదివారమే ఏకంగా రూ. 15 కోట్ల గ్రాస్ వసూలు చేసిందని ట్రేడ్ వర్గాలు చెబుతున్నాయి.ఇదే జోష్ కొనసాగితే ఈ చిత్రం త్వరలోనే రూ. 50 కోట్ల క్లబ్‌లో చేరడం ఖాయంగా కనిపిస్తోంది. ఇక ఈ చిత్రానికి ప్రముఖ దర్శకురాలు నందినీ రెడ్డి దర్శకత్వం వహించారు. సినిమాకు ప్రేక్షకుల నుంచి వస్తున్న ఆదరణతో చిత్రయూనిట్ ఆనందం వ్యక్తం చేస్తోంది.