అమెరికాలోని డల్లాస్లో శంకర నేత్రాలయ USA ఆధ్వర్యంలో “మ్యూజిక్ & డ్యాన్స్ ఫర్ విజన్” పేరుతో ప్రత్యేక సంగీత, నృత్య కార్యక్రమాన్ని నిర్వహించనున్నారు. కంటి చూపు కోసం చేపడుతున్న సేవా కార్యక్రమాలకు మద్దతుగా ఈ కార్యక్రమాన్ని ఏర్పాటు చేస్తున్నారు.
ఈ కార్యక్రమం ఆదివారం, అక్టోబర్ 4, 2026న Irving Arts Center, 3333 N MacArthur Blvd, Irving, TX 75062లో జరగనుంది. మధ్యాహ్నం 3:30 గంటలకు సీటింగ్ ప్రారంభం కాగా, సాయంత్రం 4 గంటల నుంచి రాత్రి 7 గంటల వరకు కార్యక్రమం కొనసాగనుంది.
ఈ కార్యక్రమానికి శంకర నేత్రాలయ USA బోర్డ్ ఆఫ్ అడ్వైజర్స్ బ్రాండ్ అంబాసిడర్ ప్రసాద రెడ్డి కాటంరెడ్డి ముఖ్య అతిథిగా హాజరుకానున్నారు. ప్రముఖ గాయకులు రాము, అంజనా సౌమ్య సంగీత ప్రదర్శనలు ఇవ్వనున్నారు.
డల్లాస్కు చెందిన పలు ప్రముఖ ఇండియన్ డ్యాన్స్ అకాడమీలు కూడా ఈ కార్యక్రమంలో తమ ప్రదర్శనలు ఇవ్వనున్నాయి. కూచిపూడి, భరతనాట్యం తదితర నృత్య రూపాలను ప్రదర్శించనున్నారు.
కార్యక్రమానికి ఉచిత ప్రవేశం కల్పించారు. హాజరయ్యే వారికి ఉచితంగా ప్యాక్ చేసిన డిన్నర్ అందించనున్నట్లు నిర్వాహకులు తెలిపారు. సీటింగ్ ముందుగా వచ్చిన వారికి ముందుగా కేటాయించే విధంగా ఉంటుందని పేర్కొన్నారు.
శంకర నేత్రాలయ USA ఆధ్వర్యంలో కంటి వైద్య సేవలు, మొబైల్ ఐ సర్జికల్ యూనిట్లు, గ్రామీణ ప్రాంతాల్లో కంటి శస్త్రచికిత్సల వంటి సేవా కార్యక్రమాలకు మద్దతుగా ఈ కార్యక్రమాన్ని నిర్వహిస్తున్నారు.
