మరోసారి హాట్ టాపిక్ గా అనిరుధ్- కావ్య పెళ్లి వార్త.. నవంబర్ లో వేడుక.?

ప్రముఖ సంగీత సంచలనం అనిరుధ్ రవిచందర్, సన్‌రైజర్స్ హైదరాబాద్ సీఈవో కావ్య మారన్‌ల పెళ్లి వార్తలు మరోసారి హాట్ టాపిక్‌గా మారాయి. కొంతకాలంగా వీరిద్దరూ ప్రేమలో ఉన్నారంటూ వస్తున్న వదంతులకు బలం చేకూరుస్తూ, ఈ ఏడాది చివర్లో వీరి వివాహం జరగనుందనే ప్రచారం ఊపందుకుంది. ముఖ్యంగా  ‘జైలర్ 2’ సినిమా విడుదల తర్వాత వీరి పెళ్లి జరిగే అవకాశం ఉందని తమిళ మీడియాలో కథనాలు వెలువడుతున్నాయి.

 తాజాగా అనిరుధ్ బంధువు, సీనియర్ నటుడు వైజీ మహేంద్ర ఈ ఊహాగానాలకు మరింత బలం చేకూర్చేలా సంచలన వ్యాఖ్యలు చేశారు. ఒక ఇంటర్వ్యూలో ఆయన మాట్లాడుతూ.. తనకు తెలిసిన సమాచారం ప్రకారం వీరిద్దరూ పెళ్లి చేసుకోబోతున్నారని, అంత పెద్ద ఐపీఎల్ జట్టును నడిపించగల సత్తా ఉన్న కావ్య మారన్ సాధారణమైన అమ్మాయి కాదని ప్రశంసించారు. వీరిద్దరూ చాలా మంచి జోడీ అని వ్యాఖ్యానించినప్పటికీ, పెళ్లి తేదీకి సంబంధించిన వివరాలను మాత్రం ఆయన వెల్లడించలేదు. మరోవైపు తమిళ ఎంటర్‌టైన్‌మెంట్ ఛానల్ ‘వళై పేచ్చు’ సమాచారం ప్రకారం వీరి వివాహం ‘జైలర్ 2’ విడుదల తర్వాత ఉండొచ్చని తెలుస్తుంది.   ఈ ఏడాది నవంబర్ రెండో వారంలోనే పెళ్లి జరగొచ్చని సమాచారం. అయితే ఈ తేదీలపై ఎలాంటి అధికారిక ప్రకటన రాలేదు.

ప్రస్తుతం అనిరుధ్ రజనీకాంత్ ‘జైలర్ 2’, షారుఖ్ ఖాన్ ‘కింగ్’ వంటి భారీ చిత్రాలకు సంగీతం అందిస్తూ కెరీర్‌లో దూసుకెళుతుండగా.. సన్ గ్రూప్ ఛైర్మన్ కళానిధి మారన్ కుమార్తె అయిన కావ్య మారన్, ఐపీఎల్ ఫ్రాంచైజీ సన్‌రైజర్స్ హైదరాబాద్ సీఈవోగా క్రీడా ప్రపంచంలో తనకంటూ ప్రత్యేక గుర్తింపు తెచ్చుకున్నారు. ఎంతో ఆసక్తి రేపుతున్న ఈ పెళ్లి వార్తలపై అనిరుధ్ , కావ్య కుటుంబ సభ్యులు ఎవరూ అధికారికంగా స్పందించలేదు.