న్యూయార్క్‌లో ఘనంగా తెలంగాణ ఆవిర్భావ వేడుకలు

న్యూయార్క్ తెలంగాణ తెలుగు సంఘం ఆధ్వర్యంలో తెలంగాణ రాష్ట్ర అవతరణ దినోత్సవ వేడుకలు అమెరికాలోని బెత్‌పేజ్ సీనియర్ కమ్యూనిటీ సెంటర్‌లో ఘనంగా నిర్వహించారు. తెలంగాణ సంస్కృతి, సంప్రదాయాలను ప్రతిబింబించే సాంస్కృతిక కార్యక్రమాలు, చిన్నారుల కిడ్స్ ఫ్యాషన్ షో ప్రత్యేక ఆకర్షణగా నిలిచాయి. ఈ కార్యక్రమంలో ప్రముఖ గాయకుడు మిమిక్రీ రమేష్ ప్రత్యక్ష సంగీత ప్రదర్శనతో ప్రేక్షకులను అలరించారు. పెద్ద సంఖ్యలో తెలుగు ప్రజలు హాజరై వేడుకలను విజయవంతం చేశారు. కార్యక్రమ అనంతరం అతిథులకు విందు ఏర్పాటు చేయబడింది. నిర్వాహకులు, సభ్యులు మరియు స్పాన్సర్ల సేవలను పలువురు అభినందించారు. ఈ సందర్భంగా న్యూయార్క్ తెలంగాణ తెలుగు సంఘం అధ్యక్షుడు రవీందర్ కోడెల ప్రతి ఒక్కరికీ ప్రత్యేక కృతజ్ఞతలు తెలియజేశారు. కార్యక్రమ విజయానికి సహకరించిన సభ్యులు, స్పాన్సర్లు, వాలంటీర్లు మరియు హాజరైన తెలుగు ప్రజలకు ఆయన ధన్యవాదాలు తెలిపారు.