అమెరికా కేంద్రంగా ఉన్న శ్రీ ద్వారకామాయి మరో అరుదైన ఘనత

షిర్డీ సాయిబాబా బోధనలను ప్రపంచవ్యాప్తంగా విస్తరింపజేస్తూ, ఆధ్యాత్మికతతో పాటు సేవా కార్యక్రమాల్లోనూ విశేష కృషి చేస్తున్న అమెరికా కేంద్రంగా ఉన్న శ్రీ ద్వారకామాయి మరో అరుదైన ఘనతను సొంతం చేసుకుంది. భక్తి, సేవ, మానవతా విలువలను ప్రోత్సహిస్తూ అమెరికా వ్యాప్తంగా శ్రీ ద్వారకామాయి విద్యాపీఠ్, శ్రీ గురుస్థాన్, శ్రీ సాయి చావడి, శ్రీ షిర్డీ సాయి మందిర్, శ్రీ సాయి సమాధి మందిర్ వంటి ఆధ్యాత్మిక కేంద్రాలను నిర్వహిస్తున్న ఈ సంస్థ… ప్రార్థనలు, భజనలు, వెల్‌నెస్ కార్యక్రమాలు, యువత సేవా కార్యక్రమాలు, సాంస్కృతిక వేడుకలు, చారిటీ సేవల ద్వారా వేలాది కుటుంబాలకు ఆధ్యాత్మిక మార్గదర్శకంగా నిలుస్తోంది. ఇక మసాచుసెట్స్ రాష్ట్రంలోని బిల్లెరికాలో ఉన్న శ్రీ ద్వారకామాయి విద్యాపీఠ్‌లో మే 15 నుంచి 16, 2026 వరకు నిర్వహించిన నిరంతర సాయి నామస్మరణ కార్యక్రమానికి గాను ‘ది లాంగెస్ట్ మారథాన్ చాంటింగ్’ విభాగంలో గిన్నిస్ వరల్డ్ రికార్డ్ సాధించి ప్రపంచవ్యాప్తంగా తెలుగు భారతీయుల గర్వకారణంగా నిలిచింది శ్రీ ద్వారకామాయి సంస్థ.”