ఇండస్ట్రీలోకి రాఘవ లారెన్స్ కూతురు ఎంట్రీ.. ఫస్ట్ మూవీతోనే భారీ రిస్క్..!!

రాఘవ లారెన్స్ దక్షిణాది ప్రేక్షకులకు సుపరిచితమే. డ్యాన్స్ మాస్టర్ గా సినీరంగంలోకి అడుగుపెట్టిన ఆయన నిర్మాతగా, దర్శకుడిగా, హీరోగా తనదైన ముద్ర వేశారు. ఇదిలా ఉంటే, లారెన్స్ కుటుంబం నుంచి మరొకరు సినీ రంగ ప్రవేశం చేయబోతుండటం సోషల్ మీడియాలో హాట్ టాపిక్ గా మారింది.

లారెన్స్ రాఘవ కూతురు రాఘవి ఇండస్ట్రీలోకి ఎంట్రీ ఇవ్వబోతున్నారు. అయితే హీరోయిన్ గా కాదు. దర్శకురాలిగా పరిచయం కాబోతున్నారు. రాఘవికి చిన్నతనం నుండే సినిమా మేకింగ్ పట్ల ఆసక్తి ఉంది. ఈ క్రమంలోనే అమెరికా వెళ్లి డైరెక్షన్ టెక్నాలజీలో ప్రొఫెషనల్ కోర్సు కంప్లీట్ చేశారు. సాధారణంగా దర్శకులు కావాలనుకునే వారు అనుభవం కోసం పెద్ద పెద్ద డైరెక్టర్ల దగ్గర అసిస్టెంట్ గా పని చేస్తారు. కానీ రాఘవి మాత్రం ఎలాంటి ముందస్తు ఎక్స్ పీరియన్స్ లేకుండా, నేరుగా మెగాఫోన్ పట్టేందుకు సిద్ధమయ్యారు. కూతురు తీసుకున్న ఈ నిర్ణయానికి లారెన్స్ కూడా గ్రీన్ సిగ్నల్ ఇచ్చి, తన సొంత డబ్బులతోనే నిర్మించడానికి కథను కూడా రెడీ చేశారని సమాచారం.