తగ్గేదేలే.. మెగాస్టార్ సరికొత్త లుక్!!

– జెన్-జీ ఫ్యాషన్‌తో మెస్మరైజ్ చేసిన చిరు
– మెగా యంగ్ లుక్ కు అభిమానులు ఫిదా

మెగాస్టార్ చిరంజీవి సరికొత్త లుక్ తో అందరినీ ఆశ్చర్యపరుస్తున్నారు. స్లిమ్ అండ్ ఎనర్జిటిక్ లుక్ తో కనిపిస్తున్న ఆయన ఫొటోలు సోషల్ మీడియాలో వైరల్ అవుతున్నాయి.

ప్రస్తుత తరం ఫ్యాషన్‌కు ఏమాత్రం తీసిపోని విధంగా, జెన్-జీ ఫ్యాషన్ తో చిరంజీవి మెస్మరైజ్ చేస్తున్నారు. ఆయన స్టైల్ ఎప్పటికీ ప్రత్యేకమేనని నిరూపిస్తున్నారు. కఠినమైన క్రమశిక్షణ, నిరంతర శ్రమతో ఆయన తన ఫిట్‌నెస్‌ను ఎలా కాపాడుకుంటున్నారో ఈ లుక్ స్పష్టం చేస్తోంది. ఆయనలోని ఆకర్షణ ఏమాత్రం తగ్గలేదని, యంగ్‌ హీరోలకు ధీటుగా తన లుక్‌తో అభిమానులను ఫిదా చేస్తున్నారని ఇండస్ట్రీ వర్గాలు అంటున్నాయి.

మరోవైపు తన నెక్ట్స్ సినిమా కోసం చిరంజీవి రెడీ అవుతున్నారు. త్వరలోనే దర్శకుడు బాబీ కొల్లితో చేయబోతున్న కొత్త సినిమా షూటింగ్‌లో పాల్గొననున్నారు. ఈ చిత్రాన్ని కేవీఎన్ ప్రొడక్షన్స్ భారీ బడ్జెట్‌తో నిర్మిస్తోంది. అయితే, ప్రస్తుతం కనిపిస్తున్న స్టైలిష్ లుక్ చిరంజీవి వ్యక్తిగత స్టైల్ మాత్రమేనని, రాబోయే సినిమాలోని పాత్రకు సంబంధించినది కాదని తెలుస్తోంది. మూవీకి సంబంధించిన అధికారిక లుక్ ను చిత్రయూనిట్ విడుదల చేస్తోంది. మొత్తంగా చిరు ఫొటోలు నెట్టింట తెగ చక్కర్లు కొడుతున్నాయి.