గంభీరమైన గొంతు, సీరియస్ యాక్టింగ్ తో సపరేట్ ఫ్యాన్ బేస్ క్రియేట్ చేసుకున్న నటుడు అర్జున్ దాస్.ఆయన త్వరలోనే పెళ్లి పీటలెక్కబోతున్నారనే వార్త సోషల్ మీడియాలో హల్ చల్ చేస్తోంది. అర్జున్ దాస్ ఒక నటితో ప్రేమలో ఉన్నారని, త్వరలోనే రహస్యంగా వీరి నిశ్చితార్ధం జరగబోతుందని ప్రచారం జోరందుకుంది.
అర్జున్ దాస్ పై ఇలాంటి రూమర్స్ రావడం ఇదేం మొదటిసారి కాదు. గతంలోనూ ఆయనకు హీరోయిన్ ఐశ్వర్య లక్ష్మీతో ప్రేమ వ్యవహారం నడిచిందని, ఆ తరువాత బ్రేకప్ అయిందంటూ రూమర్స్ వినిపించాయి. అయితే అందులో నిజం లేదని, తాము స్నేహితులం మాత్రమేనని ఐశ్వర్య క్లారిటీ ఇచ్చారు. అటు అర్జున్ దాస్ కూడా ప్రేమ పెళ్లి చేసుకుంటారా.? పెద్దలు కుదిర్చిన వివాహం చేసుకుంటారా.? అనే ప్రశ్నలు అసలు పెళ్లే చేసుకోనని బదులిచ్చిన సంగతి తెలిసిందే.ఆ సమయంలోనే సుమారు నెల రోజుల పాటు డిప్రెషన్ లోకి వెళ్లిపోయానంటూ అర్జున్ దాస్ ఓ స్టేట్మెంట్ ఇవ్వడం అప్పటిలో వైరల్ గా మారింది.
తాజాగా మరో నటితో అర్జున్ దాస్ పెళ్లి అంటూ కొత్త ప్రచారం తెరపైకి వచ్చింది. కానీ ఈసారి అతని టీమ్ వెంటనే స్పందించింది. పుకార్లకు చెక్ పెట్టింది. అర్జు్ దాస్ పెళ్లి గురించి వస్తున్న ప్రచారంలో ఎలాంటి నిజం లేదని స్పష్టం చేసింది.ప్రస్తుతం అర్జున్ దాస్ చేతిలో ‘లవ్’, ‘వన్స్ మోర్’ అనే సినిమాలు ఉన్నాయి. ‘లవ్’ సినిమాలో నటి ఐశ్వర్య లక్ష్మితో కలిసి నటించగా.. ఈ సినిమా నేరుగా నెట్ఫ్లిక్స్లో రిలీజ్ కానుంది. ఇక ‘వన్స్ మోర్’ సినిమాలో డైరెక్టర్ శంకర్ కూతురు అదితి శంకర్ హీరోయిన్గా నటిస్తున్నారు.ఈ సినిమా షూటింగ్ కూడా పూర్తయి విడుదలకు సిద్ధంగా ఉంది.
