తిరుపతి జిల్లా శ్రీకాళహస్తి టీడీపీ ఎమ్మెల్యే బొజ్జల సుధీర్ రెడ్డిని సినీ హీరో నితిన్ కలిశారు. ఈ స్నేహపూర్వక భేటీకి సంబంధించిన ఫొటోలు ప్రస్తుతం సోషల్ మీడియాలో వైరల్ గా మారాయి.
నితిన్ రాకపై ఎమ్మెల్యే బొజ్జల సుధీర్ రెడ్డి ఆనందం వ్యక్తం చేశారు. ఈ మేరకు ఆయన ‘ఎక్స్’ వేదికగా ఓ పోస్ట్ చేశారు. “చాలా రోజుల తర్వాత నా ఫ్రెండ్ నితిన్ ఇంటికి రావడం ఎంతో సంతోషాన్ని ఇచ్చింది. మా కుటుంబ సభ్యులతో కలిసి కాసేపు సరదాగా గడిపారు. ఈ సందర్భంగా మా పాత జ్ఞాపకాలను గుర్తుచేసుకోవడం ఆనందంగా అనిపించింది” అని ఆయన పోస్టులో పేర్కొన్నారు. సినిమాలతో బిజీ షెడ్యూల్లో ఉన్నప్పటికీ, ప్రత్యేకంగా సమయం కేటాయించి తన ఇంటికి వచ్చినందుకు నితిన్కు ధన్యవాదాలు తెలిపారు. ప్రస్తుతం ఈ ఫొటోలు నెట్టింట చక్కర్లు కొడుతుండగా.. రాజకీయ, సినీ రంగానికి చెందిన ప్రముఖులు కలుసుకోవడం ఆసక్తికరంగా మారింది.
