ప్రముఖ సినీ నటుడు, టీడీపీ హిందూపురం ఎమ్మెల్యే నందమూరి బాలకృష్ణ చిన్న కుమార్తె తేజస్విని త్వరలోనే వెండితెరకు పరిచయం కాబోతున్నారనే వార్త ప్రస్తుతం సోషల్ మీడియాలో, ఫిల్మ్నగర్ వర్గాల్లో తీవ్ర సంచలనం సృష్టిస్తోంది. సాధారణ కమర్షియల్ సినిమాలకు భిన్నంగా, ఒక ప్రయోగాత్మకమైన, యువతకు స్ఫూర్తినిచ్చే స్పోర్ట్స్ డ్రామా ద్వారా ఆమె హీరోయిన్గా ఎంట్రీ ఇవ్వనున్నట్లు తెలుస్తోంది. ప్రస్తుతం ఈ ప్రాజెక్ట్కి సంబంధించిన కథా చర్చలు శరవేగంగా జరుగుతున్నాయని, అన్ని అంశాలు కుదిరితే త్వరలోనే దీనిపై అధికారిక ప్రకటన వచ్చే అవకాశం ఉందని సినీ వర్గాల సమాచారం.
ఇప్పటికే ఆహాలో ప్రసారమయ్యే పాపులర్ టాక్ షో ‘అన్స్టాపబుల్’కు క్రియేటివ్ హెడ్గా వ్యవహరించడమే కాకుండా, పలు సినిమాలకు నిర్మాణ భాగస్వామిగా కూడా తన ప్రతిభను చాటుకున్న తేజస్విని… ఇప్పుడు నేరుగా నటిగా మారనున్నారనే వార్తలతో నందమూరి అభిమానులు ఆనందం వ్యక్తం చేస్తున్నారు. నందమూరి వారసుడు మోక్షజ్ఞ ఎంట్రీ కంటే ముందే ఆమె ఒక సందేశాత్మక చిత్రంతో వెండితెరపై మెరవబోతుండటం ఇప్పుడు టాలీవుడ్లో ఆసక్తికర చర్చకు దారితీసింది.
