న్యూయార్క్ సిటీలో ఇరాన్ అధ్యక్షుడు మసూద్ పెజెష్కియన్ను డా. కె.ఏ. పాల్ కలిశారు. ఈ సందర్భంగా ప్రపంచ శాంతి, కొనసాగుతున్న సంఘర్షణ, యుద్ధాన్ని సంభాషణ, దౌత్యం ద్వారా ముగించాల్సిన అవసరం వంటి అంశాలపై చర్చించారు.
సమావేశంలో ప్రపంచవ్యాప్తంగా ప్రజలపై కొనసాగుతున్న సంఘర్షణ ప్రభావం గురించి డా. కె.ఏ. పాల్ ఆందోళన వ్యక్తం చేశారు. ముఖ్యంగా పెరుగుతున్న ఇంధన, ఆహార ధరలు ప్రపంచవ్యాప్తంగా ప్రజలపై ప్రభావం చూపుతున్నాయని ఆయన పేర్కొన్నారు.
ప్రస్తుతం కొనసాగుతున్న యుద్ధాన్ని అనవసరమైన సంఘర్షణగా అభివర్ణించిన డా. కె.ఏ. పాల్.. దీనికి తక్షణమే ముగింపు పలకాలని కోరారు. ప్రపంచ దేశాల నాయకులు యుద్ధానికి బదులుగా శాంతి, సంభాషణ, దౌత్య మార్గాలను అనుసరించాలని పిలుపునిచ్చారు.
ప్రపంచవ్యాప్తంగా కోట్లాది మంది ప్రజలపై యుద్ధ ప్రభావం పడుతున్న నేపథ్యంలో.. సమస్యలను చర్చల ద్వారా పరిష్కరించుకోవాల్సిన అవసరం ఉందని ఆయన అభిప్రాయపడ్డారు.
అదేవిధంగా, ఈ యుద్ధం త్వరలోనే ముగిసే అవకాశం ఉందన్న ఆశాభావాన్ని డా. కె.ఏ. పాల్ వ్యక్తం చేశారు. శాంతి కోసం దౌత్యపరమైన ప్రయత్నాలు కొనసాగితే సంఘర్షణకు ముగింపు పలికే అవకాశం ఉందని ఆయన పేర్కొన్నారు.
