మెగాస్టార్ చిరంజీవి డిజిటల్ రంగంలోకి అడుగుపెట్టనున్నట్లు వార్తలు వినిపిస్తున్నాయి. ప్రముఖ ఓటీటీ వేదిక నెట్ఫ్లిక్స్ కోసం ఆయన ప్రత్యేక పాడ్కాస్ట్ కార్యక్రమాన్ని నిర్వహించనున్నట్లు సమాచారం. ఈ కార్యక్రమం ద్వారా తన వ్యక్తిగత జీవితం, సినీ ప్రయాణానికి సంబంధించిన ఆసక్తికరమైన విషయాలను అభిమానులతో పంచుకోనున్నట్లు తెలుస్తోంది.
ఈ పాడ్కాస్ట్లో చిరంజీవి తన సినీ కెరీర్లో ఎదుర్కొన్న సవాళ్లు, సాధించిన విజయాలు, జీవితంలో ఎదురైన కీలక మలుపులు, మరచిపోలేని సంఘటనలను వివరించనున్నట్లు ప్రచారం జరుగుతోంది.
మరోవైపు, ఈ ప్రత్యేక పాడ్కాస్ట్ను చిరంజీవి కుమార్తె సుష్మిత కొణిదెల నిర్మించనున్నట్లు సమాచారం. అయితే, ఈ ప్రాజెక్టుకు సంబంధించి నెట్ఫ్లిక్స్ లేదా చిరంజీవి కుటుంబం నుంచి అధికారిక ప్రకటన వెలువడాల్సి ఉంది.
అధికారిక ప్రకటన తర్వాతే కార్యక్రమం ప్రారంభ తేదీ, ఎపిసోడ్ల వివరాలు, ఇతర అంశాలపై స్పష్టత వచ్చే అవకాశం ఉంది.
