ఫ్లై దుబాయ్ విమాన ఘటనలో తీవ్రంగా గాయపడిన భారతీయ పైలట్ కెప్టెన్ స్మిత్ మచ్చర్ కుటుంబంతో ప్రధాని నరేంద్ర మోదీ ఫోన్‌లో మాట్లాడారు. ఈ సందర్భంగా స్మిత్ మచ్చర్ చూపిన ధైర్యసాహసాలను ప్రధాని అభినందించారు. ప్రమాదకర పరిస్థితుల్లోనూ ప్రయాణికుల ప్రాణాలను కాపాడేందుకు ఆయన చేసిన ప్రయత్నాలను మోదీ ప్రశంసించారు.
కెప్టెన్ స్మిత్ మచ్చర్‌ను ప్రధాని మోదీ సోషల్ మీడియా వేదికగా కూడా ‘హీరో’గా అభివర్ణించారు. ఆయన ధైర్యం వల్ల వందలాది మంది ప్రాణాలు కాపాడబడ్డాయని పేర్కొన్నారు.
స్మిత్ మచ్చర్ కుటుంబానికి భారత ప్రభుత్వం అన్ని విధాలా అండగా ఉంటుందని ప్రధాని భరోసా ఇచ్చినట్లు ప్రభుత్వ వర్గాలను ఉటంకిస్తూ నివేదికలు వెల్లడించాయి. ప్రస్తుతం సౌదీ అరేబియాలో చికిత్స పొందుతున్న కెప్టెన్ స్మిత్ ఆరోగ్యం నిలకడగా ఉన్నట్లు సమాచారం
