మళ్లీ కామెడీ జోనర్ లోకి వచ్చిన అల్లరి నరేశ్!!

టాలీవుడ్ ప్రముఖ నటుడు అల్లరి నరేశ్ గురించి ప్రత్యేకంగా పరిచయం అవసరం లేదు. కామెడీ హీరోగా తనదైన ముద్ర వేసిన ఈ హీరో.. ఇటీవల ‘నాంది’, ‘ఉగ్రం’ వంటి సీరియస్, ఇంటెన్స్ పాత్రలతో ప్రేక్షకులను మెప్పించారు. తాజాగా, మళ్లీ తన ట్రేడ్ మార్క్ కామెడీతో అలరించేందుకు సిద్ధమయ్యారని సమాచారం.

అల్లరి నరేశ్ పుట్టినరోజు సందర్భంగా తన 65వ చిత్రానికి సంబంధించిన ఫస్ట్ లుక్ పోస్టర్‌ను చిత్ర యూనిట్ విడుదల చేసింది. ఈ సినిమాకు ‘రంభ ఊర్వశి మేనక’ అనే ఇంట్రెస్టింగ్ టైటిల్‌ను ఖరారు చేసింది. సోషియో ఫాంటసీ ఎంటర్‌టైనర్‌గా రాబోతున్న ఈ సినిమాలో కామెడీ, ఫాంటసీ అంశాలు పుష్కలంగా ఉంటాయని తెలుస్తోంది. చంద్రమోహన్ చింతాడ డైరెక్షన్ లో వస్తున్న ఈ చిత్రాన్ని ప్రఖ్యాత నిర్మాణ సంస్థ అన్నపూర్ణ స్టూడియోస్, హాస్య మూవీస్ పతాకాలపై ఈ సినిమాను సంయుక్తంగా నిర్మిస్తున్నారు. అన్ని కార్యక్రమాలను పూర్తి చేసుకుని సెప్టెంబర్ 4న ప్రపంచవ్యాప్తంగా థియేటర్లలో ఈ చిత్రాన్ని విడుదల చేయనున్నట్లు నిర్మాతలు అధికారికంగా ప్రకటించారు.