భోగి సినిమాలో మందారంగా ‘డింపుల్’..

– శర్వానంద్ ‘భోగి’ మూవీ నుంచి క్రేజీ అప్డేట్
– మందారం అనే పవర్ ఫుల్ పాత్రలో డింపుల్ హయతి
– డింపుల్ ఫస్ట్ లుక్ రిలీజ్ చేసిన మేకర్స్

టాలీవుడ్ యంగ్ హీరో శర్వానంద్ నటిస్తున్న పీరియాడిక్ యాక్షన్ డ్రామా ‘ భోగి’. సంపత్ నంది డైరెక్షన్ లో వస్తున్న ఈ సినిమాపై ప్రేక్షకుల్లో భారీ అంచనాలు ఉన్నాయి. తాజాగా ఈ మూవీ నుంచి హీరోయిన్ డింపుల్ హయతి ఫస్ట్ లుక్ ను మేకర్స్ రిలీజ్ చేశారు. ఇందులో ఆమె మందారం అనే పాత్రలో కనిపించబోతున్నారు.

‘‘ ప్రపంచం కోరుకున్న అందం. కానీ ఆ ఆత్మను ఎవరూ అర్ధం చేసుకోలేకపోయారు ’’ అనే క్యాప్షన్ తో ఈ పోస్టర్ ను రిలీజ్ చేశారు మేకర్స్. ఎరుపు రంగు చీరలో డింపుల్ హయతి లుక్ అందరిని ఆకట్టుకుంటోంది. చేతిలో విసనకర్ర పట్టుకుని తీక్షణంగా చూస్తున్న ఆమె లుక్, 1960ల నాటి వాతావరణాన్ని ప్రతిబింబించేలా ఉంది.

ఇటీవల ఈ సినిమా నుంచి మరో హీరోయిన్ అనుపమ పరమేశ్వరన్ ఫస్ట్ లుక్ ను కూడా విడుదల చేసిన సంగతి తెలిసిందే. ఆమె కందుల సులోచనా రాణి అనే పాత్రలో మోదుగ ఆకులతో బుట్టలు అల్లే పల్లెటూరి అమ్మాయిగా కనిపించింది. అయితే 1960 ల కాలంలో తెలంగాణ – మహారాష్ట్ర సరిహద్దులోని ఓ కల్పిత గ్రామం నేపథ్యంలో ఈ సినిమా కథ సాగుతుందని తెలుస్తోంది. ప్రస్తుతం హైదరాబాద్ లో షూటింగ్ జరుగుతుండగా.. ఈ సినిమాను ఆగస్ట్ 28న రక్షాబంధన్ కానుకగా రిలీజ్ చేయనున్నారు.