రూమర్స్ కు చెక్.. క్లారిటీ ఇచ్చిన డైరెక్టర్ దేవా కట్టా..!

టాలీవుడ్ డైరెక్టర్ దేవా కట్టా తన నెక్ట్స్ ప్రాజెక్టుపై వస్తున్న వందతులకు చెక్ పెట్టారు. తాను ఏ ఇతర సినిమాలకు పని చేయడం లేదని క్లారిటీ ఇచ్చారు. పూర్తిగా తన సొంత సినిమా పనుల్లో బిజీగా ఉన్నట్లు సోషల్ మీడియా వేదికగా స్పష్టం చేశారు.

గత కొంతకాలంగా తన సినిమా పనులతో బిజీగా ఉన్నానని దేవా కట్టా తెలిపారు. తన రాబోయే ప్రయాణం కోసం ఎంతో ఉత్సాహంగా ఎదురుచూస్తున్నట్లు పేర్కొన్నారు. అదే సమయంలో తనపై వస్తున్న వదంతులను ఖండించారు. ‘కొన్ని క్లిక్స్ కోసం దురుద్దేశంతో ప్రచారంలో ఉన్న పుకార్లకు స్పష్టత ఇస్తున్నాను. నేను ఏ ఇతర సినిమాకు ఒక్క షాట్ కూడా దర్శకత్వం వహించడం లేదు” అని ఆయన స్పష్టం చేశారు. తన తదుపరి చిత్రం అత్యంత ప్రతిష్ఠాత్మకమైనదిగా అభివర్ణించిన ఆయన సరైన సమయం వచ్చినప్పుడు ఈ ప్రాజెక్టుకు సంబంధించిన మరిన్ని వివరాలు వెల్లడిస్తానని తెలిపారు. దీంతో ఆయన నెక్ట్స్ మూవీపై అంచనాలు మరింత పెరిగాయి.