డైరెక్టర్ శంకర్ డ్రీమ్ ప్రాజెక్ట్ .. హీరో పోటీలో సూర్య – ధనుష్?

చిత్ర పరిశ్రమలో డైరెక్టర్ శంకర్ గురించి ప్రత్యేకంగా పరిచయం అవసరం లేదు. ఒకప్పుడు ఎన్నో హిట్ మూవీస్ ను అందించిన ఆయన ప్రస్తుతం వరుస సవాళ్లను ఎదుర్కొంటున్నారు. ఆయన డైరెక్షన్ లో వచ్చిన ‘ ఇండియన్ 2 ’ సినిమాకు మిశ్రమ స్పందన వచ్చింది. ఆ తరువాత మెగా పవర్ స్టార్ రామ్ చరణ్ తో తీసిన ‘ గేమ్ ఛేంజర్’ కూడా అనుకున్నంత విజయాన్ని అందించలేదు.

ఇలాంటి పరిస్థితుల్లో శంకర్ తన నెక్ట్స్ మూవీ ‘ వేల్పారి ’ తో భారీ విజయాన్ని అందుకోవాలని భావిస్తున్నారు. అయితే వేల్పారి నవలలోని పాత్రకు సరిగ్గా సరిపోయే హీరో ఎవరు? అనేది ఇప్పుడు హాట్ టాపిక్. ఈ భారీ ప్రాజెక్టులో మొదట సూర్య లేదా ధనుష్ నటిస్తారని గట్టిగా ప్రచారం జరిగింది. కానీ ప్రస్తుతం అందుతున్న సమాచారం ప్రకారం, వాళ్లిద్దరూ వేరే ప్రాజెక్టులతో బిజీగా ఉన్నారు. అందుకే ‘ వేల్పారి’ లో వాళ్లు నటిస్తారా? లేదా? అనే అనుమానాలు తెరపైకి వచ్చాయి. మరి ఈ విషయంలో శంకర్ ఏం నిర్ణయం తీసుకుంటారో చూడాలి.