ఫ్రాన్స్‌లో విద్యార్థుల నిరసనలు తీవ్రం

ఫ్రాన్స్‌లో పాఠశాలల్లో మెరుగైన వసతులు కల్పించడంతో పాటు, ఉపాధ్యాయుల నియామకాలు చేపట్టాలని డిమాండ్ చేస్తూ విద్యార్థులు ఆందోళనలకు దిగారు. 15 నుంచి 18 ఏళ్ల వయసున్న విద్యార్థులు పెద్ద సంఖ్యలో వీధుల్లోకి వచ్చి నిరసనలు వ్యక్తం చేస్తున్నారు.

టిక్‌టాక్‌, ఇన్‌స్టాగ్రామ్‌ వంటి సోషల్ మీడియా వేదికల ద్వారా ఈ ఉద్యమం వేగంగా విస్తరిస్తోంది. ఉపాధ్యాయుల కొరత, తరగతి గదుల్లో అధిక సంఖ్యలో విద్యార్థులు ఉండటం, వేతనాల కోతకు సంబంధించిన ప్రతిపాదనలపై విద్యార్థులు ఆగ్రహం వ్యక్తం చేస్తున్నారు.

నిరసనలను నియంత్రించేందుకు పోలీసులు చర్యలు చేపట్టడంతో పలు ప్రాంతాల్లో ఉద్రిక్త పరిస్థితులు నెలకొని హింసాత్మక ఘటనలు చోటుచేసుకున్నాయి. ప్రభుత్వ సమాచారం ప్రకారం దాదాపు 100 పాఠశాలలు ధ్వంసం కాగా, సుమారు 6,000 మందిని పోలీసులు అరెస్ట్ చేశారు.