త్వరలోనే గుడ్ న్యూస్.. పెళ్లిపై శ్రీముఖి క్లారిటీ!!

ప్రముఖ యాంకర్, నటి శ్రీముఖి తన పెళ్లి గురించి చేసిన సరదా వ్యాఖ్యలు ప్రస్తుతం సోషల్ మీడియాలో చర్చనీయాంశంగా మారాయి. సమంత లేటెస్ట్ మూవీ ‘మా ఇంటి బంగారం’ ప్రీ-రిలీజ్ ఈవెంట్‌లో ఆమె మాట్లాడారు. “ఈ సినిమా స్టార్ట్ అయినప్పుడు సమంత పెళ్లి జరిగింది. ఇప్పుడు సినిమా విడుదలకు సిద్ధమైంది. ఈ సినిమా పెద్ద బ్లాక్‌బస్టర్ అయితే నా పెళ్లి కూడా జరగాలని కోరుకుంటున్నాను” అని నవ్వుతూ చెప్పారు. ఈ సందర్భంలోనే సరైన పెళ్లి కొడుకు కోసం ఎదురుచూస్తున్నానని, దొరికిన వెంటనే పెళ్లి చేసుకుంటానని తెలిపారు.

శ్రీముఖి చేసిన ఈ వ్యాఖ్యలపై అభిమానులు సోషల్ మీడియాలో శుభాకాంక్షలు తెలియజేస్తున్నారు. కొందరు “త్వరలో గుడ్ న్యూస్ చెప్పండి” అంటూ కామెంట్లు చేస్తున్నారు. దర్శకురాలు నందినీ రెడ్డి తెరకెక్కించిన ‘మా ఇంటి బంగారం’ ఈనెల 19న విడుదల కానుంది. ఈ చిత్రంలో శ్రీముఖ కీలక పాత్ర పోషించారు.