ప్రపంచ విస్కీ మార్కెట్లో భారతీయ బ్రాండ్లు తమ ఆధిపత్యాన్ని చాటుకుంటున్నాయి. వార్షిక అమ్మకాల ఆధారంగా రూపొందించిన ప్రపంచ టాప్‌-20 విస్కీ బ్రాండ్ల జాబితాలో భారతీయ బ్రాండ్లు సత్తా చాటాయి.
ఈ జాబితాలో మెక్‌డొవెల్స్‌ 3.14 కోట్ల కేసుల అమ్మకాలతో ప్రపంచంలోనే మొదటి స్థానాన్ని దక్కించుకుంది. రాయల్‌ స్టాగ్‌ 2.79 కోట్ల కేసుల అమ్మకాలతో రెండో స్థానంలో నిలిచింది.
ఇక ఆఫీసర్స్‌ ఛాయిస్‌ 2.34 కోట్ల కేసులతో మూడో స్థానాన్ని, ఇంపీరియల్‌ బ్లూ 2.28 కోట్ల కేసులతో నాలుగో స్థానాన్ని కైవసం చేసుకున్నాయి.
స్కాట్లాండ్‌కు చెందిన ప్రముఖ బ్రాండ్‌ జానీ వాకర్‌ 2.21 కోట్ల కేసుల అమ్మకాలతో ఐదో స్థానంలో నిలిచింది.
మరోవైపు, 8PM, బ్లెండర్స్‌ ప్రైడ్‌, రాయల్‌ ఛాలెంజ్‌ వంటి భారతీయ బ్రాండ్లు కూడా ప్రపంచ టాప్‌-20 జాబితాలో చోటు సంపాదించాయి.
ఈ గణాంకాలు అంతర్జాతీయ విస్కీ మార్కెట్లో భారతీయ బ్రాండ్లకు ఉన్న ఆదరణను చాటుతున్నాయి. దేశీయ బ్రాండ్లు ప్రపంచ స్థాయిలో పోటీపడుతూ మార్కెట్లో తమ స్థానాన్ని మరింత బలోపేతం చేసుకుంటున్నాయి.
