ఆధ్యాత్మిక గురువు విజయ్కుమార్, అలియాస్ కల్కి భగవాన్, అస్వస్థతకు గురైనట్లు సమాచారం. ప్రస్తుతం ఆయన చెన్నైలోని ఓ ప్రైవేట్ ఆసుపత్రిలో చికిత్స పొందుతున్నట్లు తెలుస్తోంది.
అయితే కల్కి భగవాన్ ఆరోగ్యం బాగానే ఉందని, సాధారణ చికిత్స తీసుకుంటున్నారని కల్కి ట్రస్ట్ వర్గాలు వెల్లడించినట్లు సమాచారం. ఆయన ఆరోగ్య పరిస్థితిపై అధికారికంగా మరిన్ని వివరాలు వెలువడాల్సి ఉంది.
సత్యవేడు ఆశ్రమంలో భక్తులకు దర్శనం
సత్యవేడు మండలంలో ఆశ్రమాన్ని ఏర్పాటు చేసుకున్న కల్కి భగవాన్.. అక్కడికి వచ్చే భక్తులకు దర్శనం ఇస్తుంటారు. ఆయన అస్వస్థతకు గురైన విషయం తెలియడంతో భక్తుల్లో ఆందోళన నెలకొంది.
అయితే ప్రస్తుతం ఆయన ఆరోగ్యం నిలకడగా ఉందని ట్రస్ట్ వర్గాలు చెబుతున్న నేపథ్యంలో భక్తులు ఆందోళన చెందాల్సిన అవసరం లేదని పేర్కొంటున్నారు.
