ప్రముఖ సంగీత దర్శకుడు అనిరుధ్ రవిచందర్, కావ్య మారన్ వివాహం కోలీవుడ్‌లో చర్చనీయాంశంగా మారింది. ఈ వివాహ వేడుకకు సినీ పరిశ్రమకు చెందిన పలువురు ప్రముఖులకు ఆహ్వానాలు అందినట్లు ప్రచారం జరుగుతోంది. అయితే స్టార్ హీరో ధనుష్‌కు మాత్రం అనిరుధ్ నుంచి ఆహ్వానం అందలేదనే వార్తలు ప్రస్తుతం ఆసక్తికర చర్చకు దారితీస్తున్నాయి.
గతంలో ధనుష్, సూపర్‌స్టార్ రజనీకాంత్ కుమార్తె ఐశ్వర్య విడాకులు తీసుకున్న నేపథ్యంలో ఈ ప్రచారం మరింత ప్రాధాన్యత సంతరించుకుంది. అనిరుధ్, ధనుష్ మధ్య ఉన్న గత పరిచయాలు, అనుబంధాన్ని గుర్తుచేసుకుంటూ అభిమానులు ఈ విషయంపై చర్చించుకుంటున్నారు. అయితే ధనుష్‌కు ఆహ్వానం అందలేదన్న వార్తలపై ఇప్పటివరకు ఎలాంటి అధికారిక ప్రకటన వెలువడలేదు. దీంతో ఈ ప్రచారంలో వాస్తవమెంత అనేది తెలియాల్సి ఉంది.
