తమిళ పొలిటికల్ థ్రిల్లర్‌లో సునీల్.. ఫస్ట్ లుక్ రిలీజ్!

తమిళ హీరో ఆర్య ప్రధాన పాత్రలో నటిస్తున్న పొలిటికల్ యాక్షన్ థ్రిల్లర్ ‘అనంతన్ కాడు’. ఈ మూవీ నుంచి ఇంట్రెస్టింగ్ అప్డేట్ వచ్చింది. ఈ చిత్రంలో ప్రముఖ తెలుగు నటుడు సునీల్ కీలక పాత్ర పోషిస్తున్నట్లు చిత్ర యూనిట అధికారికంగా ప్రకటించింది.

ఈ సినిమాలో సునీల్ ‘ సంపత్ రావు’ అనే పోలీస్ అధికారి పాత్రలో కనిపించనున్నారు. ఈ క్రమంలోనే ఆయన ఫస్ట్ లుక్ పోస్టర్ ను నిర్మాణ సంస్థ శ్రీ గోకులం మూవీస్ సోషల్ మీడియా వేదికగా రిలీజ్ చేసింది. జియెన్ కృష్ణకుమార్ దర్శకత్వంలో రాబోతున్న ఈ సినిమా జూన్ 25న ప్రపంచవ్యాప్తంగా విడుదల కానుంది. మలయాళంలో బ్లాక్‌బస్టర్ హిట్టయిన ‘లూసిఫర్’, ‘ఎంపురాన్’ చిత్రాలకు రచయితగా పనిచేసిన మురళీ గోపి ఈ సినిమాకు కథ అందించడంతో అంచనాలు భారీగా పెరిగిపోయాయి.

ఇప్పటికే విడుదలైన ఈ సినిమా టైటిల్ టీజర్ కు ప్రేక్షకుల నుంచి మంచి రెస్పాన్స్ వచ్చింది. విధికి, కుట్రలకు భయపడని ఒక తిరుగుబాటు నాయకుడిగా ఆర్య పాత్ర ఉండబోతున్నట్లు తెలుస్తోంది. ఈ చిత్రంలో ఆర్య, సునీల్‌తో పాటు రెజీనా కసాండ్రా, నిఖిల విమల్, ఇంద్రాన్స్ వంటి ప్రముఖ నటీనటులు నటిస్తున్నారు. బి. అజనీష్ లోక్‌నాథ్ సంగీతం అందిస్తుండగా, ఎస్ యువ సినిమాటోగ్రాఫర్‌గా పనిచేస్తున్నారు.