అమెరికాలోని తెలుగు సంస్కృతి, సంప్రదాయాలను చాటిచెబుతూ తెలుగు అసోసియేషన్ ఆఫ్ గ్రేటర్ చికాగో (TAGC) 55 ఏళ్ల వేడుకల సందర్భంగా ఘనంగా దసరా, దీపావళి సంబరాలను నిర్వహించేందుకు సిద్ధమైంది. 2026 నవంబర్ 14న ఇల్లినాయిస్ రాష్ట్రంలోని నేపర్విల్లేలో ఈ వేడుకలు జరగనున్నాయి.
ఈ కార్యక్రమానికి ప్రముఖ సంగీత దర్శకుడు, గాయకుడు భీమ్స్ సిసిరోలియో (Bheems Ceciroleo) ప్రత్యేక ఆకర్షణగా నిలవనున్నారు. ఆయనతో పాటు పలువురు కళాకారుల ప్రదర్శనలతో గ్రాండ్ మ్యూజికల్ ఈవెనింగ్ నిర్వహించనున్నారు.
మధ్యాహ్నం ఒంటిగంట నుంచి సాంస్కృతిక కార్యక్రమాలు ప్రారంభం కానుండగా, చిన్నారుల కోసం ప్రత్యేకంగా కిడ్స్ ఫ్యాషన్ ర్యాంప్ వాక్, చిల్డ్రన్స్ డే స్పెషల్ కార్యక్రమాలను ఏర్పాటు చేశారు. సాయంత్రం 5 నుంచి 6 గంటల వరకు డిన్నర్, అనంతరం సాయంత్రం 6 నుంచి రాత్రి 10 గంటల వరకు సంగీత విభావరి కొనసాగనుంది.
తెలుగు సంస్కృతి, సంప్రదాయాలు, కళలను ప్రతిబింబించేలా ఈ వేడుకలను నిర్వహిస్తున్నట్లు నిర్వాహకులు తెలిపారు. TAGC సభ్యులకు కొన్ని కార్యక్రమాల్లో ఉచిత ప్రవేశం కల్పించగా, ఇతరులకు ఆన్‌లైన్, వేదిక వద్ద టికెట్ ధరలను నిర్ణయించారు. సీటింగ్ రిజిస్ట్రేషన్ ప్రాతిపదికన ముందుగా వచ్చిన వారికి ప్రాధాన్యత ఇవ్వనున్నారు.
ఈ వేడుకలు Yellow Box, 1635 Emerson Lane, Naperville, Illinois 60540లో జరగనున్నాయి. కార్యక్రమానికి సంబంధించిన రిజిస్ట్రేషన్, ఇతర వివరాల కోసం www.tagc.org వెబ్‌సైట్‌ను సంప్రదించవచ్చు.
TAGC 55 ఏళ్ల ప్రస్థానాన్ని పురస్కరించుకుని నిర్వహిస్తున్న ఈ దసరా, దీపావళి వేడుకల్లో చికాగో పరిసర ప్రాంతాల తెలుగు వారంతా పెద్ద సంఖ్యలో పాల్గొని విజయవంతం చేయాలని నిర్వాహకులు కోరుతున్నారు.
అమెరికాలోని న్యూజెర్సీ రాష్ట్రంలో ఉన్న ప్రముఖ ఓక్ ట్రీ రోడ్‌లో దీపావళి వేడుకలు అంగరంగ వైభవంగా జరిగాయి. భారతీయ సంస్కృతి,…
అమెరికాలో భారతీయ, యూదు సముదాయాల మధ్య ఐక్యత, ప్రేమ, శాంతి, సౌహార్దాన్ని చాటుతూ దీపావళి, హనుక్కా లైట్స్ సాంస్కృతిక వేడుకలు…
అమెరికాలోని అట్లాంటా హిందూ టెంపుల్‌లో నాగుల చవితి పర్వదినాన్ని పురస్కరించుకుని ప్రత్యేక పూజా కార్యక్రమాలను నిర్వహిస్తున్నారు. ఈ సందర్భంగా భక్తులు…
దేశంలో నిత్యావసర వస్తువుల ధరలు క్రమంగా పెరుగుతుండటంతో సామాన్యులపై ఆర్థిక భారం పెరుగుతోంది. పాలు, నెయ్యి, వెన్నతో పాటు సబ్బులు,…
టాలీవుడ్ నటుడు మంచు మనోజ్, ఆయన సతీమణి భూమా మౌనిక రెడ్డి వ్యాపార, పారిశ్రామిక రంగంలోకి అడుగుపెట్టారు. ‘నమస్తే వరల్డ్’…
విశాఖపట్నంలో జరుగుతున్న సీఐఐ భాగస్వామ్య సదస్సులో రెండో రోజు పలు కీలక పెట్టుబడి ఒప్పందాలు కుదిరాయి. ముఖ్యమంత్రి చంద్రబాబు నాయుడు…