TTA లో 100కు పైగా వ్యాపార సంస్థల ప్రదర్శనలు

అమెరికాలోని నార్త్ కరోలినా రాష్ట్రంలోని షార్లెట్ కన్వెన్షన్ సెంటర్‌లో జూలై 17 నుంచి 19 వరకు జరగనున్న తెలంగాణ అమెరికన్ తెలుగు అసోసియేషన్ (టీటీఏ) మెగా కన్వెన్షన్–2026లో 100కు పైగా వ్యాపార సంస్థలు తమ ఉత్పత్తులు, సేవలను ప్రదర్శించనున్నాయి. జులై 18, 19 తేదీల్లో జరిగే వెండర్ ఎగ్జిబిషన్‌కు సందర్శకులకు ఉచిత ప్రవేశం కల్పించారు. టెక్నాలజీ, రియల్ ఎస్టేట్, ఆభరణాలు, వస్త్రాలు, బీమా, విద్య, ఆర్ట్ అండ్ గ్యాలరీ, పెట్టుబడులు, ఆర్థిక సేవలు తదితర రంగాలకు చెందిన సంస్థలు ఇందులో పాల్గొననున్నాయి. తెలుగు వ్యాపారవేత్తలు, సందర్శకులు ఈ అవకాశాన్ని వినియోగించుకోవాలని టీటీఏ నిర్వాహకులు కోరారు.