TTA మెగా కన్వెన్షన్‌కు కీరవాణి స్పెషల్ అట్రాక్షన్

టీటీఏ మెగా కన్వెన్షన్‌లో ఆస్కార్ అవార్డు గ్రహీత ప్రముఖ సంగీత దర్శకుడు ఎం.ఎం.కీరవాణి బృందం తన ప్రదర్శనతో అలరించనున్నారు. అమెరికాలోని నార్త్ కరోలినా రాష్ట్రం, షార్లెట్ కన్వెన్షన్ సెంటర్‌లో జులై 17 నుంచి 19 వరకు తెలంగాణ అమెరికన్ తెలుగు అసోసియేషన్ (TTA) జరగనున్న విషయం తెలిసిందే.. ఈ మూడు రోజులు రకరకాల సాంస్కృతిక కార్యక్రమాలు, యువజన, మహిళా, సాహిత్య, ఆధ్వాత్మిక కార్యక్రమాలు నిర్వహించనున్నారు. ఉత్తర అమెరికాలోని తెలుగు సమాజానికి చెందిన అతిపెద్ద సాంస్కృతిక వేడుక ఇది. ఈ మూడు రోజుల మహాసభకు వేలాది తెలుగు కుటుంబాలు, ప్రపంచం నలుమూలల నుంచి అతిథులు హాజరుకానున్నారు. వీళ్లందరిని అలరించడం కోసం జులై 19న కీరవాణి ప్రత్యేక సంగీత విభావరి నిర్వహించనున్నారు. అంతే కాకుండా త్రీయోరీ బ్యాండ్, ఆరెంజ్ స్ట్రీట్ (Orange Street) బృందాల ప్రత్యక్ష సంగీత ప్రదర్శనలు ప్రేక్షకులను అలరించనున్నాయి.