H-1B, గ్రీన్ కార్డ్, EB-5 వీసాలపై నిపుణుల మార్గదర్శనం

టీటీఏ మెగా కన్వెన్షన్‌లో ఇమ్మిగ్రేషన్ ఫోరం

తెలంగాణ అమెరికన్ తెలుగు అసోసియేషన్ (టీటీఏ) మెగా కన్వెన్షన్–2026లో భాగంగా అమెరికా వలస చట్టాలు, వీసా విధానాలపై ప్రత్యేక ‘టీటీఏ ఇమ్మిగ్రేషన్ ఫోరం’ నిర్వహించనున్నారు. ఈ కార్యక్రమంలో అమెరికా కార్మిక శాఖకు చెందిన కమ్యూనిటీ అవుట్‌రీచ్ నిపుణురాలు ఏమీ కిమ్ ముఖ్య అతిథిగా పాల్గొని వలసలకు సంబంధించిన తాజా నిబంధనలు, ఉద్యోగ విధానాలపై అవగాహన కల్పించనున్నారు. అలాగే ప్రముఖ ఇమ్మిగ్రేషన్ న్యాయవాదులు భాను బి.జల్లింద్ర, సంతోష్ ఆర్.సోమిరెడ్డి, మధురిమ బోయపాటి పటూరి, మోనా షా, అబ్దుల్ అరిఫ్ తదితరులు ప్రసంగించనున్నారు. EB-5 ఇన్వెస్టర్ వీసాలు, H-1B పిటిషన్లు, PERM లేబర్ ప్రక్రియ, గ్రీన్ కార్డ్, అడ్జస్ట్‌మెంట్ ఆఫ్ స్టేటస్, ఇమ్మిగ్రేషన్‌లో తాజా మార్పులు, ఉద్యోగ సంబంధిత చట్టాలు వంటి కీలక అంశాలపై చర్చించడంతో పాటు పాల్గొనేవారి సందేహాలకు సమాధానాలు ఇవ్వనున్నారు.