టీటీఏ మెగా కన్వెన్షన్.. ఎం.ఎం.కీరవాణికి ఘన సన్మానం

టీటీఏ మెగా కన్వెన్షన్ లో ఆస్కార్ అవార్డు గ్రహీత, ప్రముఖ సంగీత దర్శకుడు ఎం.ఎం.కీరవాణికి ఘన సన్మానం జరిగింది. టీటీఏ బృందం ఆయనను సత్కరించింది. అమెరికాలోని వేలాది మంది తెలుగువారి సమక్షంలో జరిగిన ఈ సన్మానం, కార్యక్రమానికి ప్రత్యేక ఆకర్షణగా నిలిచింది.

ఈ సందర్భంగా కీరవాణి మాట్లాడారు. ఇంతటి గొప్ప కార్యక్రమాన్ని నవీన్ రెడ్డి మలిపెద్ది సారథ్యంలో టీటీఏ ఎంతో అద్భుతంగా నిర్వహించిందని తెలిపారు.. సమయం చాలా అవుతున్నప్పటికీ, ఓపికగా సంగీత విభావరి కోసం వేచి చూసిన ప్రేక్షకులను ధన్యవాదాలు చెప్పారు. ఈ నేపథ్యంలో వారందరినీ ఆనందపరిచేందుకు తాను సిద్ధంగా ఉన్నానని తెలిపారు. అలాగే ఈ సన్మానం తనకు ఎంతో గౌరవాన్ని ఇచ్చిందని వెల్లడించారు.