యెమెన్‌కు చెందిన హూతీ తిరుగుబాటుదారులు సౌదీ అరేబియాలోని పౌర విమానాశ్రయాలపై క్షిపణులు, డ్రోన్లతో దాడులకు పాల్పడిన నేపథ్యంలో.. సౌదీ నాయకత్వంలోని సైనిక కూటమి యెమెన్‌లోని 82 హూతీ సైనిక స్థావరాలను ధ్వంసం చేసినట్లు ప్రకటించింది.
అక్టోబర్ 6, 7 తేదీల్లో నిర్వహించిన ఈ వైమానిక దాడుల్లో ముగ్గురు మరణించగా, 36 మంది గాయపడినట్లు సమాచారం.
సౌదీ దళాల అధికార ప్రతినిధి మేజర్ జనరల్ తుర్కీ అల్-మాలికి, పౌర లక్ష్యాలపై దాడులను సహించేది లేదని హెచ్చరించారు. ఇటువంటి దాడులకు తీవ్ర పరిణామాలు ఉంటాయని స్పష్టం చేశారు.
సౌదీ కూటమి దాడుల్లో ధ్వంసమైన హూతీ స్థావరాల్లో బాలిస్టిక్ మిస్సైల్ నిల్వ కేంద్రాలు, కమాండ్ సెంటర్లు ఉన్నట్లు వెల్లడించింది.
