అమెరికాలోని అట్లాంటాలో భారతీయ భక్తి సంగీతానికి పెద్దపీట వేస్తూ ‘అట్లాంటా భజన్ క్లబ్బింగ్’ (ABC) ఆధ్వర్యంలో ప్రత్యేక భజన కార్యక్రమాన్ని నిర్వహించనున్నారు. భక్తులందరినీ ఒకే వేదికపైకి తీసుకువచ్చి, భక్తి గీతాలు, సంగీతంతో ఆధ్యాత్మిక వాతావరణాన్ని నెలకొల్పడమే ఈ కార్యక్రమ ముఖ్య ఉద్దేశం.
డిసెంబర్ 4, 2026 శుక్రవారం సాయంత్రం 7 గంటల నుంచి రాత్రి 9 గంటల వరకు ఈ కార్యక్రమం జరగనుంది. జార్జియాలోని కమ్మింగ్ నగరంలో ఉన్న సెలబ్రేషన్స్ బ్యాంక్వెట్ హాల్ ఈ వేడుకకు వేదిక కానుంది.
ఈ కార్యక్రమంలో భక్తి సంగీతం, భజనలతో పాటు సంగీత వాయిద్యాల ప్రదర్శనలు ప్రత్యేక ఆకర్షణగా నిలవనున్నాయి. భక్తితో ఒక్కచోట చేరి ఆనందంగా భజనలు పాడుతూ దైవానుభూతిని పొందాలని నిర్వాహకులు ఆహ్వానిస్తున్నారు.
ఈ కార్యక్రమానికి ప్రవేశ రుసుము 20 డాలర్లుగా నిర్ణయించారు. హాజరయ్యే వారికి తేలికపాటి అల్పాహార ఏర్పాట్లు కూడా చేయనున్నారు.
కార్యక్రమ నిర్వాహకులుగా లక్కీ మండవిల్లి, రాధిక వంగపల్లి వ్యవహరిస్తున్నారు. మరిన్ని వివరాల కోసం 404-944-7914, 914-374-8850 నంబర్లను సంప్రదించవచ్చు.
అట్లాంటాలోని తెలుగు కుటుంబాలు, భక్తి సంగీత ప్రియులు ఈ కార్యక్రమంలో పాల్గొని విజయవంతం చేయాలని నిర్వాహకులు కోరుతున్నారు
