రష్యా అధ్యక్షుడు వ్లాదిమిర్ పుతిన్ నాటో దేశాలకు తీవ్రస్థాయిలో హెచ్చరికలు జారీ చేసినట్లు సమాచారం. రష్యా భూభాగమైన కలినిన్‌గ్రాడ్‌పై ప్రత్యక్ష దాడి జరిగితే, తమ దేశ భద్రతకు ముప్పు ఏర్పడిన పరిస్థితుల్లో అందుబాటులో ఉన్న అన్ని రకాల ఆయుధాలను ఉపయోగించేందుకు వెనుకాడబోమని పుతిన్ స్పష్టం చేసినట్లు తెలుస్తోంది.
పోలండ్, లిథువేనియా దేశాల మధ్య ఉన్న కలినిన్‌గ్రాడ్.. రష్యాకు అత్యంత వ్యూహాత్మక ప్రాంతంగా పరిగణించబడుతోంది. ఈ ప్రాంతంపై నాటో బలగాలు దిగ్బంధనం లేదా ప్రత్యక్ష దాడికి పాల్పడితే పరిస్థితులు తీవ్రంగా మారే అవకాశం ఉందని రష్యా హెచ్చరిస్తోంది.
కలినిన్‌గ్రాడ్‌పై దాడి జరిగితే అది రష్యా భద్రతకు తీవ్రమైన ముప్పుగా పరిగణించబడుతుందని, అలాంటి పరిస్థితుల్లో అణ్వాయుధాల వినియోగం వరకు వెళ్లే అవకాశం ఉందనే సంకేతాలను పుతిన్ ఇచ్చినట్లు సమాచారం.
