ఎన్నికల నిర్వహణలో కేంద్ర ఎన్నికల సంఘం (సీఈసీ) ఏకపక్ష నిర్ణయాలు తీసుకుంటుందన్న ఆరోపణలపై దాఖలైన పిటిషన్లను సుప్రీంకోర్టు విచారించింది.
సీజేఐ జస్టిస్‌ సూర్యకాంత్‌ నేతృత్వంలోని త్రిసభ్య ధర్మాసనం.. కేంద్ర ఎన్నికల సంఘం, ఎన్నికల కమిషనర్లకు ప్రాసిక్యూషన్‌ నుంచి మినహాయింపు కల్పించే నిబంధనల చెల్లుబాటుపై విచారణ ప్రారంభించింది.
ఈ వ్యవహారంపై దాఖలైన పిటిషన్లను పరిశీలించిన ధర్మాసనం.. కేంద్ర ఎన్నికల సంఘానికి నోటీసులు జారీ చేసింది. ఎన్నికల సంఘం నిర్ణయాలు, అధికారులపై చట్టపరమైన చర్యలకు సంబంధించిన అంశాలపై ఈ విచారణలో కీలకంగా చర్చ జరగనుంది.
