మెగా ప్రిన్స్ వరుణ్ తేజ్ నటిస్తున్న తాజా చిత్రం ‘కొరియన్ కనకరాజు’ నుంచి రెండో సింగిల్కు సంబంధించిన అప్డేట్ను చిత్ర బృందం ప్రకటించింది. ‘రాస గుమ్మడి’ పేరుతో రూపొందిన ఈ మాస్ సాంగ్ లిరికల్ వీడియోను జూలై 19న విడుదల చేయనున్నట్లు వెల్లడించింది.
ఇప్పటికే విడుదలైన తొలి పాట ‘కమ్సహమ్నిదా’ కొరియన్ శైలిలో ప్రేక్షకులను ఆకట్టుకోగా, రెండో పాట మాత్రం పూర్తి భిన్నంగా రాయలసీమ బీట్స్ నేపథ్యంలో ఉండనున్నట్లు మేకర్స్ తెలిపారు. ఈ పాటకు సంబంధించిన పోస్టర్ను కూడా సోషల్ మీడియాలో విడుదల చేయగా, అభిమానుల నుంచి మంచి స్పందన లభిస్తోంది.
ఈ చిత్రానికి మేర్లపాక గాంధీ దర్శకత్వం వహిస్తున్నారు. వరుణ్ తేజ్ సరసన దక్షా నగార్కర్ కథానాయికగా నటిస్తున్నారు. ఫస్ట్ ఫ్రేమ్ ఎంటర్టైన్మెంట్స్ మరియు యూవీ క్రియేషన్స్ సంయుక్తంగా నిర్మిస్తున్న ఈ సినిమాకు ఎస్. తమన్ సంగీతం అందిస్తున్నారు.
విభిన్న కథాంశంతో తెరకెక్కుతున్న ‘కొరియన్ కనకరాజు’ చిత్రం ఆగస్టు 7న ప్రపంచవ్యాప్తంగా థియేటర్లలో విడుదల కానుంది.
