అల్లూరి సీతారామరాజు జిల్లా అరకులోయ ప్రాంతంలో అర్నబ్ తుఫాన్ ప్రభావంతో మంగళవారం రాత్రి భారీ వర్షాలు కురిశాయి. ఈ వర్షాల ధాటికి కేకే లైన్‌లో బొర్రా గుహలు–కరకవలస రైల్వే స్టేషన్ల మధ్య ట్రాక్ కింద ఉన్న మట్టి కొట్టుకుపోయింది. దీంతో రైళ్ల రాకపోకలకు తీవ్ర అంతరాయం ఏర్పడింది.
ట్రాక్ దెబ్బతినడంతో ముందస్తు జాగ్రత్త చర్యల్లో భాగంగా రైల్వే అధికారులు అరకు ప్యాసింజర్ రైలును ఇప్పటికే నిలిపివేశారు. ప్రయాణికుల భద్రతను దృష్టిలో ఉంచుకుని రైల్వే సిబ్బంది అప్రమత్తమయ్యారు.
ప్రస్తుతం దెబ్బతిన్న రైల్వే ట్రాక్‌ను పునరుద్ధరించేందుకు అధికారులు యుద్ధ ప్రాతిపదికన పనులు చేపట్టారు. మరమ్మతులు పూర్తయిన తర్వాత రైళ్ల రాకపోకలను పునరుద్ధరించేందుకు చర్యలు తీసుకుంటున్నారు.
