సిక్కింలో ప్రధాని నరేంద్ర మోదీ 76వ జన్మదినం సందర్భంగా ‘సేవా సంకల్ప్ అభియాన్’, ‘స్వచ్ఛతా హి సేవా’ కార్యక్రమాల్లో భాగంగా పలు కార్యక్రమాలు నిర్వహించారు. గ్యాంగ్టక్లో జరిగిన స్వచ్ఛతా హి సేవా 2026 రాష్ట్రస్థాయి ప్రారంభ కార్యక్రమంలో 1,000 మట్టి దీపాలను వెలిగించారు.
ఈ సందర్భంగా రక్తదాన శిబిరాలు, మొక్కలు నాటడం, పారిశుధ్య కార్యక్రమాలు, ప్రజా భాగస్వామ్యంతో సేవా కార్యక్రమాలను నిర్వహించేందుకు ఏర్పాట్లు చేశారు. సిక్కింలో స్వచ్ఛతా హి సేవా కార్యక్రమం సెప్టెంబర్ 17 నుంచి అక్టోబర్ 2 వరకు కొనసాగనుంది.
మోదీ జన్మదినం సందర్భంగా సిక్కిం ముఖ్యమంత్రి ప్రేమ్ సింగ్ తమాంగ్ శుభాకాంక్షలు తెలిపారు. సిక్కిం, ఈశాన్య ప్రాంతాల అభివృద్ధికి ప్రధాని అందిస్తున్న మద్దతుకు కృతజ్ఞతలు తెలిపారు. ప్రధాని మోదీకి మంచి ఆరోగ్యం, దీర్ఘాయుష్షు కలగాలని ఆకాంక్షించారు.
