ప్రపంచ టెక్నాలజీ రంగంలో అగ్రగామి సంస్థగా కొనసాగుతున్న ఎన్విడియా (Nvidia)కు సోమవారం భారీ ఎదురుదెబ్బ తగిలింది. కంపెనీ సీఈఓ జెన్సన్ హువాంగ్‌పై వచ్చిన వివాదాస్పద ఆరోపణలు, సంస్థ బోర్డు చేపట్టిన స్వతంత్ర దర్యాప్తు నేపథ్యంలో కంపెనీ షేర్లు భారీగా పతనమయ్యాయి.
నవంబర్ 9న ట్రేడింగ్ ముగిసే సమయానికి ఎన్విడియా షేర్లు 4.27 శాతం పడిపోయాయి. దీంతో కంపెనీ మార్కెట్ విలువ నుంచి సుమారు 190 బిలియన్ డాలర్లు, అంటే భారత కరెన్సీలో దాదాపు రూ.17 లక్షల కోట్ల సంపద ఆవిరైంది.
అసలు వివాదం ఏమిటంటే.. జెన్సన్ హువాంగ్ విదేశీ నిఘా కార్యకలాపాలకు లక్ష్యంగా మారి ఉండవచ్చన్న వార్తల నేపథ్యంలో ఎన్విడియా బోర్డు స్వతంత్ర దర్యాప్తునకు ఆదేశించింది. ఈ వ్యవహారంపై స్వతంత్ర డైరెక్టర్ల కమిటీ విచారణ చేపట్టనుంది. అయితే కంపెనీ రహస్యాలు లేదా జాతీయ భద్రతకు సంబంధించిన సమాచారం దుర్వినియోగమైనట్లు తమకు ఎలాంటి ఆధారాలు లేవని ఎన్విడియా బోర్డు స్పష్టం చేసింది.
మరోవైపు ఈ పరిణామాల ప్రభావం జెన్సన్ హువాంగ్ వ్యక్తిగత సంపదపైనా పడింది. నవంబర్ 9న ఒక్కరోజే ఆయన సంపద 6.8 బిలియన్ డాలర్లు తగ్గినట్లు ఫోర్బ్స్ రియల్ టైమ్ బిలియనీర్స్ జాబితా వెల్లడించింది. దీంతో ప్రపంచ కుబేరుల జాబితాలో 8వ స్థానం నుంచి 10వ స్థానానికి పడిపోయారు.
ప్రపంచ ఏఐ రంగంలో కీలక పాత్ర పోషిస్తున్న ఎన్విడియాపై ఈ పరిణామాలు ఎలాంటి ప్రభావం చూపుతాయి? కంపెనీ దర్యాప్తులో ఎలాంటి విషయాలు వెలుగులోకి వస్తాయి? అన్నది ఇప్పుడు టెక్, స్టాక్ మార్కెట్ వర్గాల్లో ఆసక్తికరంగా మారింది.
రైతులకు ప్రయోజనం చేకూర్చేలా కేంద్ర ప్రభుత్వం కీలక నిర్ణయం తీసుకుంది. ప్రధానమంత్రి నరేంద్ర మోదీ అధ్యక్షతన నవంబర్ 11న జరిగిన…
వెలుగుల పండుగ దీపావళి వేడుకలు లండన్‌లో అత్యంత వైభవంగా జరిగాయి. వివిధ దేశాలు, సంస్కృతులకు చెందిన ప్రజలంతా ఒక్కచోట చేరి…
మాజీ ఎంపీ విజయసాయిరెడ్డి ఆంధ్రప్రదేశ్ రాజకీయాల్లో కొత్త పార్టీతో ముందుకొచ్చారు. విజయవాడ వేదికగా బుధవారం తన నూతన రాజకీయ పార్టీ…
ప్రముఖ నటుడు కమల్ హాసన్ కొత్త సినిమా టైటిల్ తమిళనాడులో వివాదానికి దారితీసింది. తన 72వ పుట్టినరోజు సందర్భంగా ప్రకటించిన…
ప్రొబెషనరీ డీఎస్పీలకు తెలంగాణ ముఖ్యమంత్రి రేవంత్ రెడ్డి పలు కీలక సూచనలు చేశారు. పోలీస్ అధికారులు ఉద్యోగంలో చేరినప్పుడు ఎలాంటి…
అవినీతి, నల్లధనాన్ని అరికట్టేందుకు అధిక విలువ కలిగిన కరెన్సీ నోట్లను రద్దు చేయాలని ఆంధ్రప్రదేశ్ ముఖ్యమంత్రి నారా చంద్రబాబు నాయుడు…